كيف نجعل المنتدى من افضل المنتديات

بســ الله الرحمن الرحيم ..

.
.. الســ عليكم ورحمة الله وبركاته ــلام ..
.
.. يسعد صبـــــــــــــــــاحكم ..
.
كيف نجعل من هذا المنتدى الأفضل ؟

* ماهو المنتدى ..!!

المنتدى هو بيتك الثاني وفية أصدقائك وإخوانك يشاركون معك في المعرفة وفي المزح ويزعلون لزعلك ويفرحون لفرحك

وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ

فكيف نجعل منتدانا هو الأفضل ؟؟

الحل بسيط

* أولا : (( تشجيع الأعضاء الجدد ))

هذي هي البداية وأنت أكيد تتذكر أول يوم جين فيه للمنتدى وكتبت موضوع وكم تمنيت يرد علية الكل ،، وبتشجيعنا للأعضاء الجدد فنحن نحثهم على الإبداع فمنهم سيخرج لنا كتاب رائعين في الأدب والشعر وكتاب متميزين في البرمجة والتصميم أو في أي مجالات آخرى
والعضو إلي دايم يكون الأول في الترحيب ،، حبيب وقلبه طيب

* ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث أو أكثر ))

وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الإبداع أكثر فأكثر وأنت أذا رديت على مواضيعهم الكل بيرد على موضوعك إذا كان يستحق .
والعضو إلي دايم يرد على المواضيع يسمى ،، محبوب الكل

* ثالثاً : (( تشجيع المواضيع التي يكتبها أصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومة أو انقل من كتاب أو مجلة مايستحق النشر
والعضو إلي دايم يكتب مواضيعه بنفسه ،، هذا نشيط ومتميز

رابعاً : (( الكلمة السحرية ))

وهي أن تكتب كلمة ( شكرا على هذا الموضوع ) كلمات قليله مراح تتعبك أو تنقص من قدرك أو كبريائك المزيف ،، كثير مانشوف مواضع عدد قرائها فوق السبعين أو الثمانين ومن هاؤلائي فقد يرد على صاحب الموضوع واحد أو ثنين وأكثر الأحيان تجد الموضوع خالي من أي رد ..!!
يعني أنت تبي الكل يرد على موضوعك وأنت ماتكلف على عمرك وتجامل صاحب الموضوع .. اجل ليش تشارك وتتعب عمرك

خامساً : (( محاربة التحزب ))

وهذا أكبر خطر يهدد أي منتدى وكثير من المنتديات هرب منها أعضائه لهذا اسبب ،، والتحزب هي أن يتفق الأعضاء ويقولون ( إحنا والله حزب ارتحنا لبعض ومانبي واحد جديد يخش بينا ،، والاتفاق هو ترد على موضوعي أرد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى ،، لا ومن زين الطبايع بعدها بفترة يقلبون على بعض ويصير كل واحد يكتب موضوع ولا يرد على الثاني ،، وخلاص انتهاء المنتدى وصار ممل والاصرف انه يتقفل.

سادساً : (( التواصل بين الأعضاء ))

التواصل بين الأعضاء في الأفراح نهنيهم وفي الأحزان نواسيهم ( تخيل نفسك مريض أو مسافر حتى أهلك مادروا عنك ،، وتجي للمنتدى ولكل مشتاقين لك ويسألون عنك ،، أكيد بتشقق من الفرحة ومحد قدك )
ويسمى العضو إلي دايم يسأل عن الأعضاء ،،

سابعاً : (( التقليل من المواضيع المنقوله ))

بعض المواضيع مهمة ويجب أن تنقل وتنتشر في كل المنتديات ،، لكن مسألة انك تشوف إي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق ) هذي شئ يطفش ويجب العمى ( ليش اشترك في منتدى !! .. اجل إقراء صحيفة أو مجله أو اتابع الإخبار في التلفزيون أفضل )
ويسمى هذا العضو ،،، مخربها

ثامناً : (( لاتصير لين فتعصر ولا قاسيا فتكسر ))

يجيك عضو يكتب كل يوم عشر مواضيع وفي كل قسم يحط له ست مواضيع من زود الفضاوه ،، وبالله يالله نرد على نص مواضيعه ولا نلحق .

وإلا يجيك الثقيل يارب يرد رد واحد بالشهر أو موضوع واحد طول فترة اشتراكه

تاسعاً : (( التقليل من المشاكل ومحاولت احتوائها ))

يعني ثنين صار بينهم سوء تفاهم وقلبوا المنتدى فوق تحت ونقسم المنتدى إلى حزبين وكل واحد معه عصا وأنت معي وأنا معه
( ياخي بينك وبين إي عضو مشكله أو رده ماعجبك أو لك ملاحظة ،، ارسله على الخاص وتفاهم أنت وياه بدون مايدرون الأعضاء )
ويسمى العضو المشكلجي .

عاشراً : (( خلك ذكي وتفهمها على الطاير ))

يجي عضو ويتعب ويكتب موضوع جاد ومهم ويتوقع انو بيرد علية ويناقشه الكل ثمن يجيك ذك العضو إلي مايدري وين الله رماه ويرد رد زي وجهه ،، الموضوع في شمال وهو يرد بالجنوب ،، ويخرب الموضوع أو يقلبه تشات
( المواضيع الجادة والمهمة تحتاج إلى رد جاد وبعكسها المواضيع الساخرة أو المصرقعه يرد عليها برد ساخر أو مهبول )
ويسمى العضو إلي يرد برد في جهة والموضوع في جهة .حووول.

* وأخيراً *

المنتدى ليس بعدد أعضائه ،، بل بترابط أعضائه كلأسرة الواحدة وكما قال رسول الله علية أفضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا ))

أتمنى أشوف أرائكم على الموضوع

» ترحيب بأعضاء المنتدى
» هل تختلف شخصيتك الحقيقيه عن شخصيتك فى المنتدى ?!